Тарихи орындар

Темір жол вокзалы

Түркістан қаласының Темір жол вокзалы Орынбор-Ташкент темір жолының оңтүстік филиалын қалау кезінде тұрғызылған таяу станциясының ғимарттар кешенінің бір бөлігі ретінде салынған. Қаланың батыс бөлігінде орналасқан 3 негізі бөлмеден тұрады: кіреберістің екі жағында орналасқан 3 негізгі бөлмеден тұрады. Көптеген күрделі торлы арка түрінде иілген терезе рамалары, шатыры жоғарыға көтеріліп күрделі пролфильмен жабылған, көптеген сәндік әрлеу материалдары ғимараттың қасбетін және интерьерін сәндеп тұр. Есік тұтқалары экзотикалық пілдердің басының формасы түрінде жасалған. Қайта қалпына келтіру жұмыстары 1980 жылдары жүргізілген. Қазіргі таңда жөндеу жұмыстары жүріп, ішкі атмосферасы замануи стильге ауысты.

Мекен - жайы: Тәуке хан даңғылы 2А
Әкімшілігі: Турганбаева Гүлжан
Байланыс нөмері: 87253352816
105
библиотека

Орталық кітапхана

        Кітапхана – рухани қазына ордасы. ХХІ ғасыр – мәдениеттің, ғылым мен білімнің ғасыры. Бар білімнің қайнар көзі – кітапхана.
        Елбасы атап өткендей, «Кітапхана – барлық ілім, білім бұлағы болып саналатын, кітап, газет, журнал шоғырланатын рухани орда, талай ғұлама бас иген киелі орын». Бүгінгідей ғылым мен техника, технологияның қарыштап дамыған заманында да кітап, кітапхана өзінің құндылығын жоғалтпай, заманға сай жаңғырып, жергілікті халықпен біте қайнасып, қызметін жаңа жүйемен жалғастырып келеді.
        Соның бір дәлелі – Түркістан қалалық орталықтандырылған кітапханалар жүйесіне қарасты орталық кітапхана. Жалпы  кітап қоры – 117469 дана, оқырман саны – 8975.
        2014 жылы кітапханаға жаңа ғимарат салынып, пайдалануға берілді.
        Кітапханада:
        • Оқырмандарға қызмет көрсету бөлімі;
        • Оқу залы;
        • Білім орталығы;
        • Интернет бөлімі;
        • Ақпараттық-библиография бөлімі;
        • Құжаттарды өңдеу және топтастыру бөлімі;
        • Кітапханаларды дамыту бөлімі;
        • Кітап қорын ұйымдастыру бөлімдері  жұмыс жасайды.
Әкімшілігі: Малдыбекова Кульзада Джумагуловна
Кітапхананың жұмыс режимі
сағат 9:00-18:00-ге дейін.
Демалыс күндері сенбі, жексенбі.
Орналасқан жері: Т.Мыңбасы 3 а
Байланыс нөмері: 87253340007

Райымбек Сейтметов атындағы театр

Түркістан облысы мәденет басқармасының «Райымбек Сейтметов атындағы Түркістан қаласының сазды-драма театры» мемлекеттік коммуналдық қазыналық кәсіпорны. Түркістан драма театры Президент Н.Ә.Назарбаевтың жарлығымен, облыс Әкімі Б.Сапарбаевтың  №83-ші  шешімімен 2000 жылдың 9-наурызында ашылды.

Түрікстан қаласының сазды-драма театрының көркемдік жетекшісі болып, ҚР  Еңбек сіңірген әртісі, ҚР Халық әртісі, Тарлан сыйлығының бас жүлдегері, профессор Р.Н.Сейтметов тағайындалды. Ғимараттың салынған уақыты 1938 жылы Теміржолшылар клубы болып салынып, 2000 жылы күрделі жөндеуден өткізіліп театрға бейімдеп берілген.

Театрдың негізін қалаушы: Райымбек Ноғайбайұлы Сейтметов- Мемлекеттік және Жастар сыйлықтарының лауреаты, Қазақстан мен Қырғызстанның өнеріне еңбегі сіңген қайраткер, Қазақстанның Халық артисі, профессор,  Құрмет Орденінің иегері,  Тәуелсіз «Платиналы Тарлан»  сыйлығының бас жүлдегері, Еуропаның «Театр өнері» номинациясы бойынша белгіленген алтын медалінің, “Түркі әлеміне еткен еңбегі үшін, өнер әдебиет сыйлығы”  иегері, ЖҒА академигі, Түркістан қаласының сазды-драма театрының негізін қалаушы, әрі тұңғыш көркемдік жетекшісі.

Театрдың көркемдік жетекшісі:
Наурызбаев Айдар Аманбайұлы
Көрермен сыйымдылығы: 250 адам
Мекен- жайы:
Түркістан қаласы, Төле би көшесі №52 Б.
82533-2-62-28,
Почта: D-teatr @mail.ru.
Инста парақша- seitmetov_teatr; 
Фейсбук –Райымбек Сейтметов театры